Southern Avenue -vinyl-back-photo.jpg

Nokre gongar vert ein berre overtydd. Vi er særs stolte av at vi får denne gjengen til Trandalblues 2022.

Southern Avenue er unge musikarar, som lagar musikk midt i i eit herleg musikalsk soullandskap . Bandmedlemmane kjem til å gje oss eit skikkeleg live-show, garantert! Direkte frå USA!

Southern Avenue har spela i  eit titalls land og dei har bergteke publikum på alle festivalar dei har vore innom. Gitarfenomenet Ori Naftaly kjem opprinneleg frå Israel, men slo seg saman med Memphis- songaren Tierinii Jackson og søstra hennar, Tikyra Khamiir Jackson på trommer. I tillegg er keyboardisten Jeremy Powell med, ein tidlegare elev frå Stax Records sitt kjende musikkakademi. Dette er alvor, dette er Southern Avenue. Vi leikar ikkje, desse er mellom dei beste! På Trandalblues 2022 !

 
img-1195.jpg

"There is only one Ray Gelato!"

Dette er bandet som Sir Paul McCartney kallar «awesome» og som spelte i bryllupet hans! Dette er husbandet på den vidkjende spelestaden «Ronnie Scotts» i London. Og dette er eit av dei banda som har vore med på å gjere Trandalblues til ein musikalsk oase.

Vi skjønte med ein gong at dette bandet måtte vi ha att, og i år fekk vi det endeleg til.

Dei har spela for Dronninga av England, dei har spela saman med Robbie Williams og dei har hausta lovord frå dei fremste i musikkverda. Ray Gelato Giants har vitja Trandal tidlegare og var ein av hovedattraksjonane  på Trandalblues-2011. No er det på tide med eit gjensyn og neste konsert i Norge vert på Trandalblues 1. juli 2022! Velkomne, Giants!

Bandet er: Ray Gelato - Vocals and Tenor Sax, Danny Marsden – Trumpet, Andy Rogers - Trombone, Olly Wilby - Tenor og Altsax, Gunther Kurmayr- Piano, Manuel Alvarez- Double Bass og Ed Richardson – Trommer.

 
Kyla Red Dress2 by Baz Groom.jpg

I 2022 kjem den store stjerna på den Europeiske blueshimmelen! Kyla Brox og hennar band vann European Blues Challenge på Azorene 2019. Der overtydde ho alle, og dommarane var ikkje i tvil; Kyla Brox er den beste nye bluesartisten i Europa no.

Kyla Brox, fødd i 1980, vert omtala i England som «the finest female blues singer of her generation”.

Ho debuterte allereie som tolvåring, og ho har turnert verda rundt:

"Her breathing control is superb but, more than this… Kyla's vocal is natural and very clean… [with] a depth of feeling…" - Blues Matters "An authentic soul diva… sensitive, sexy, and with infinite reserves of sassiness" - City Life "A classic sound pulled off with finesse… classy, impressive…" - Oldham Chronicle "Great voice, great presence, great songs, great band…" - Leicester Mercury Vi treng ikkje å seie meir enn at vi er audmjuke og stolte av å få nok ein verdsartist til Trandalblues 2022!

Bandet består av Kyla Brox, vokal/fløyte, Paul Farr, gitar, Danny Blomeley, bass guitar og Mark Warburton, trommer.

 
73474988_3257430990965634_18849274181126

Paulo Mendonca er frå Sverige, men har røtene sine i Portugal. Han har selt hundretusenvis av plater over heile verda og han har turnert med artistar som Tina Turner! Slå den! Og han kjem til Trandal i 2022.

Paolo spelar skikkeleg funk, med røtene godt planta i blues. Han har stadfesta dette gjennom mange år med spelejobbar på dei største festivalane i Europa. Paulo Mendonca kan med rette kalle seg Kongen av funk! Han er ein forrykande gitarist, og kjem heilt sikkert til å få publikum på Trandalblues 2022 i kok!

 
Vidar Busk3_print.jpg

Med det tredje skal det skje! 

Gjenforening og nytt album med Vidar Busk & His True Believers. Vi er svært begeistra! Det er snart 25 år sidan Vidar Busk vart Norges mest omtalte og feirabluesartist for debutalbumet Stompin’ Our Feet With Joy (1997).

Så gjekk det slag i slag med albumet I Came here to Rock (1998), "Spellemannspris" som årets artist, utgjeving av Atomic Swing (1999) Mellom anna.

No er han ute med eit nytt album. The Civilized Life med Vidar Busk & His True Believers.

Med Norges mest kjende internasjonale bluesstjerne Kid Andersen (han har vore på Trandal, sjølvsagt) som produsent er plata spela inn i Kitchen Studio på Jar og miksa/mastra av Kid Andersen i Greaseland Studios, San Jose, California og med gjestespel fra Sax Gordon og Greaseland Superspreader Horn Section. Tøft!

Vi kan vente oss både fullt T-Birds-inspirert øs, svingande blues, sjelfulle ballader og glødande gitarspel, slik vi kjenner Vidar. Dette er Vidar Busk sin tredje opptredenen på Trandal. Og vi har mistanker om at dette vert den beste!

 
Christina-Skjølberg.jpeg

 Christina har vore på Trandal før. I alle fall på plakaten. I 2016

 var alt klart for Christina og bandet hennar, og pressebiletet var så

 stilig at vi likegodt nytta det som hovudbilde på plakaten. Men

 Christina måtte melde forfall i siste liten.

 I år kjem ho - garantert! Ho er ute på vegen att, med nye låtar i den

 stilen ho er kjend for - blues, rock og funk, djupt forankra i

1970-talet sin elektriske gitarsound.

 Det er ei dame med mykje erfaring vi får oppleve på Trandal. Ho har

 turnert norske bluesklubbar sidan 2009, og står i dag fram som ein

 fullblods artist, med total kontroll på både band og publikum.

 I tillegg til sin eigen gitar, har ho med seg Kåre Amundsen på

 trommer og Tore Slåttsveen på bass. 

 Velkomen attende, Christina. Og velkomen i år for første gong, live

 på Trandal!

 
Pastor Rex pressebilde.jpg

Pastor Rex og hans meinigheit frelsar folk med sine retro funkbeats, groove, rap og feite refreng. 

Jakt etter kjærleik og pengar er dårleg skjult bak eit konsept av frelse og glede i eit samanhengande show som spraker og overraskar. 

Bandet hadde sin debutkonsert i Volda 1. oktober 2021 og alle billettane vart solgt på under eit døgn. 

Første helga i juli står Trandalblues for tur og bandet er klare for å spre sin nåde over festivalen.

 
Soft-City-vinner-2021-Harald-Olsen_edited.jpg

Bandet Soft City stakk av med seieren i Union Bluescup 2021 under Notodden Blues Festival. Det Oslobaserte bandet imponerte både dommarpanel og publikum på klubben Teledølen med et høgt musikalsk nivå, stor speleglede og ikkje minst ei strålande god sangerinne i Thea Sørli Paulsrud.

Det er berre å glede seg til denne gjengen kjem på besøk til Trandalblues som Unionsbandet 2022. 

The HidiHoes

Bilde.jpg